10 новых байцоў маладзёжнага атрада «Авангард» ГрДМУ папоўнілі шарэгі маладзёжных атрадаў аховы правапарадкуRSS

13 февраля 2017 11:32

Маладзёжныя атрады аховы правапарадку адзначылі чарговую гадавіну – 13 год ад дня заснавання.

На Гарадзеншчыне ў шарэгах дабраахвотных памагатых міліцыі налічваецца больш за дзве тысячы хлопцаў і дзяўчат. Дзесяць новых байцоў маладзёжнага атрада «Авангард» Гродзенскага дзяржаўнага медыцынскага ўніверсітэта ва ўрачыстай абстаноўцы атрымалі свае першыя пасведчанні на мерапрыемстве, прысвечаным Дню МААП, якое адбылося на базе Упраўлення ўнутраных спраў Гродзенскага аблвыканкама. Удзел у ім прынялі каля 100 лепшых прадстаўнікоў маладзёжных атрадаў аховы правапарадку.

Па традыцыі пачаліся мерапрыемствы з урачыстага мітынгу і ўскладання кветак да памятнага знака супрацоўнікам АУС, якія загінулі пры выкананні службовых абавязкаў.

Свае віншаванні, пажаданні мужнасці, адказнасці, энергіі і новых дасягненняў маладым праваахоўнікам Гродзеншчыны выказалі госці мерапрыемства, сярод якіх намеснік начальніка УУС Гродзенскага аблвыканкама, начальнік міліцыі грамадскай бяспекі палкоўнік міліцыі Уладзімір Сацюк, першы сакратар Гродзенскага абласнога камітэта БРСМ Эліна Брага, старшыня ветэранскай арганізацыі УАПП УУС, палкоўнік міліцыі ў адстаўцы Пётра Найда.

Адным з асноўных мерапрыемстваў Дня МААП стаў адкрыты дыялог на тэму «Бяспека як найважнейшы фактар стабільнага развіцця грамадства». Тэма дыялога выбаран не выпадкова, бо мір і бяспека па праву займаюць вядучае становішча ў сістэме асноўных чалавечых каштоўнасцяў.

Назад