Ідэалагічная і выхаваўчая работа

Асноўнай задачай ідэалагічнай і выхаваўчай работы (ІВР) з'яўляецца фарміраванне ў працэсе навучання высокакультурнай асобы будучага спецыяліста, арыентаванай на развіццё агульначалавечых і нацыянальных каштоўнасцей.

ІВР на кафедры ажыццяўлялася на падставе:

Кодэкса Рэспублікі Беларусь аб адукацыі, Канцэпцыі бесперапыннага выхавання дзяцей і навучэнскай моладзі ў Рэспубліцы Беларусь;

Нарматыўных актаў Міністэрства адукацыі Рэспублікі Беларусь;

Плана ідэалагічнай і выхаваўчай работы УА "Гродзенскі дзяржаўны ўніверсітэт";

Плана працы медыка-псіхалагічнага факультэта;

Плана работы кафедры псіхатэрапіі і клінічнай псіхадыягностыкі.

Мэтай ІВР на кафедры з'яўляецца выхаванне студэнтаў у адпаведнасці з духоўнымі і маральнымі каштоўнасцямі Рэспублікі Беларусь, прывіццё працоўных навыкаў і пачуцця нацыянальнага гонару за сваю краіну, фарміраванне ўсебакова развітой, маральна сталай, творчай асобы навучэнца.

Задачамі ІВР кафедры з'яўляюцца комплекснае ўзаемадзеянне са студэнтамі, у працэсе якога засвойваюцца прававыя, маральна-этычныя, здароўе зберагальныя і іншыя нормы, фарміруюцца маральныя перакананні, пашыраецца сістэма каштоўнасцей.

ІВР ажыццяўляецца шляхам вырашэння наступных задач: фарміраванне грамадзянскасці, патрыятызму і нацыянальнай самасвядомасці на аснове дзяржаўнай ідэалогіі, падрыхтоўка да самастойнага жыцця і працы, фарміраванне маральнай, эстэтычнай і экалагічнай культуры, авалоданне каштоўнасцямі і навыкамі здаровага ладу жыцця, фарміраванне культуры сямейных адносін, стварэнне ўмоў для сацыялізацыі і самаразвіцця.

У бягучым навучальным годзе на кафедры працягвалі рэалізоўвацца такія праекты як "Без халатаў" і "Псіхатэрапеўтычныя чытанні". Мэта якіх заключаецца ў павышэнні эфектыўнасці практыкаарыентаванай прафесійнай падрыхтоўкі будучых спецыялістаў, развіцця ў навучэнцаў прафесійнай кампетэнтнасці.