Гран-пры – у каманды ГрДМУ! Падведзены вынікі брэндавага праекта «Гульні патрыётаў – 2026»

Ваенна патрыятычны гульнявы комплекс «Гульні патрыётаў – 2026», прысвечаны перамозе ў Вялікай Айчыннай вайне, прайшоў з 15 па 18 красавіка.

«Гульні патрыётаў» ужо сталі брэндавым праектам нашай ВНУ, і кожны год колькасць удзельнікаў расце. У гэтым годзе ў ваенна патрыятычным комплексе прынялі ўдзел прадстаўнікі Самаркандскага медыцынскага універсітэта (Узбекістан), Іванаўскага і Іжэўскага медыцынскіх універсітэтаў (Расія), каманды ўсіх медыцынскіх ВНУ Рэспублікі Беларусь, а таксама ВНУ рэгіёну – ГрДУ імя Янкі Купалы і Гродзенскага аграрнага ўніверсітэта. На старты выйшлі больш за 120 удзельнікаў. Асноўнай лакацыяй, дзе прайшлі «Гульні патрыётаў», стаў лагер «Зорька Юбілейная».

Сёння адбылося ўрачыстае закрыццё «Гульняў патрыётаў – 2026». Ад імя кіраўніцтва ВНУ да ўдзельнікаў звярнуўся прарэктар па навуковай рабоце ГрДМУ Міхаіл Мікалаевіч Курбат:

– У кожным, нават самым добрым і ідэальным мерапрыемстве, ёсць нотка суму. І вось мы падышлі да таго моманту, калі падводзім вынікі «Гульняў патрыётаў» і, на жаль, гаворым адзін аднаму «Да пабачэння».

Наш ваенна патрыятычны гульнявы комплекс – адзін з ключавых праектаў, уключаных у план работы Міністэрства аховы здароўя Рэспублікі Беларусь. Ён прысвечаны захаванню гістарычнай памяці беларускага народа. Мне вельмі прыемна адзначыць, што вы знаходзіцеся на Гродзенскай зямлі – тэрыторыі, якая гістарычна была цэнтрам бітваў. Прыемна, што горад Гродна стойка змагаўся ў гады Вялікай Айчыннай вайны.

Гродна заўсёды адрозніваўся гасціннасцю. Сёлета мы праводзім юбілейны Фестываль нацыянальных культур. І прыемна адзначыць, што ў нашым брэндавым праекце ўдзельнічаюць прадстаўнікі дружалюбных краін.

Ад імя рэктара ГрДМУ Ігара Георгіевіча Жука яшчэ раз дзякую ўсім удзельнікам мерапрыемства і іх суправаджаючым. Выказваю шчырую падзяку кіраўніцтву ўніверсітэтаў, якія камандзіравалі каманды, якія годна праявілі сябе на Гульнях. Спадзяюся, вы павязеце з Гродна не толькі станоўчыя эмоцыі, але і новыя знаёмствы.

Але мы не кажам вам «Бывайце» – мы кажам «Да новых сустрэч»! Запрашаем вас у Гродна і ў Гродзенскі дзяржаўны медыцынскі ўніверсітэт на іншыя мерапрыемствы: навуковыя студэнцкія канферэнцыі, алімпіяды, моладзевыя форумы, інтэлектуальныя і спартыўныя спаборніцтвы. Мы заўсёды рады студэнтам з любых ВНУ і адкрытыя для супрацоўніцтва. Сёння мы дорым вам часцінку нашай Гродзенскай душы. Да хуткіх сустрэч!

Насычаныя дні каманд-удзельніц засталіся у мінулым. Яны прайшлі поплеч спартыўныя і інтэлектуальныя выпрабаванні, падрыхтавалі неверагодныя творчыя выступленні і з’ядналіся.

Па выніках усіх этапаў ваенна патрыятычнага гульнявога комплексу «Гульні патрыётаў – 2026» месцы размеркаваліся наступным чынам:

Гран-пры – у каманды Гродзенскага дзяржаўнага медыцынскага ўніверсітэта!

I месца – у каманды Іванаўскага дзяржаўнага медыцынскага універсітэта (Расія).

II месца – у каманды Беларускага дзяржаўнага медыцынскага ўніверсітэта.

III месца – у каманды Віцебскага дзяржаўнага ордэна Дружбы народаў медыцынскага ўніверсітэта.

Таксама былі ўручаны дыпломы ўдзельнікам у розных намінацыях. Усе каманды атрымалі памятныя падарункі ад ВНУ і ад спонсараў праекта: ААТ «Гроднахлебпрам», ТДА «Фірма ABC», ААТ «Малочны Мір» і ААТ «Гродзенскі мясакамбінат».

Нагадваем, ваенна патрыятычны гульнявы комплекс «Гульні патрыётаў – 2026» прайшоў пад эгідай Гродзенскага дзяржаўнага медыцынскага універсітэта пры падтрымцы Міністэрства аховы здароўя Рэспублікі Беларусь, Гродзенскай абласной арганізацыі Беларускага прафсаюза работнікаў аховы здароўя, Ленінскай раённай арганізацыі г. Гродна рэспубліканскага грамадскага аб’яднання «Белая Русь», пярвічнай арганізацыі Гродзенскага медыцынскага універсітэта грамадскага аб’яднання «БРСМ».

Падрыхтаваў аддзел па сувязях з грамадскасцю

Фота: Таццяна Вялёнда