Кафедра шпітальнай хірургіі (цяпер 1 - я кафедра хірургічных хвароб) арганізавана ў 1962 г., базай для яе ў той час з'яўлялася хірургічнае аддзяленне абласной бальніцы, якая размяшчалася ў былым Бернардзінскім мужчынскім манастыры.

У 1965 г. кафедра пераехала ў новы будынак абласной бальніцы. У наступным было ўведзена выкладанне курсаў стаматалогіі, траўматалогіі з ваенна-палявой хірургіяй і нейрахірургіі, лячэбнай фізкультуры, уралогіі, дзіцячай хірургіі, анестэзіялогіі і рэанімацыі, анкалогіі. У далейшым у сувязі з развіццём базы і падрыхтоўкай кадраў яны выдзелены ў самастойныя кафедры або курсы.

Навукова- даследчая праца кафедры вялася па актуальных праблемах таракальнай, чэраўнай, сасудзістай хірургіі, уралогіі, хірургіі эндакрынных залоз.

У цяперашні час на кафедры актыўна вядуцца навуковыя даследаванні па актуальных пытаннях хірургіі, укараняюцца самыя сучасныя тэхналогіі ў адукацыйны і лячэбны працэс. На базе 1-й кафедры хірургічных хвароб для студэнтаў першага курса УА "ГрДМУ» ўкаранёна праграма заняткаў па прадмеце «Першая дапамога».

Для практыкуючых дактароў укаранёны курсы павышэння кваліфікацыі па хірургічных дысцыплінах. Адкрыта і рэгулярна папаўняецца новымі трэнажорамі лабараторыя практычнага навучання, у прыватнасці набыты віртуальны сімулятар лапараскапічнай хірургіі. У хірургічную практыку супрацоўнікамі 1-й кафедры хірургічных хвароб распрацоўваюцца і ўкараняюцца найноўшыя методыкі, якія забяспечваюць аказанне хірургічнай дапамогі на самым высокім узроўні якасці.