Згодна загаду Міністэрства аховы здароўя БССР № 92 ад 23 мая 1991 г. у Гродзенскім дзяржаўным медыцынскім інстытуце пачалі падрыхтоўку медыцынскіх сясцёр на ўмовах мэтавага прыёму (план набору – 30 чалавек). На вучобу залічваліся асобы, якія мелі спецыяльную медыцынскую адукацыю. Функцыі кіраўніцтва аддзяленнем медыцынскіх сясцёр з вышэйшай адукацыяй спачатку выконвалі дэканы іншых факультэтаў: 1991-1997 гг. – М.М. Пяткевіч, 1997 г. – Г.Р. Мармыш, 1998 г. – К.У. Вільчук. У 2000 г. арганізаваны факультэт медыцынскіх сясцёр з вышэйшай адукацыяй (1998-2000 гг.- кіраўнік аддзялення, 2000-2004 гг. – дэкан К.М. Іядкоўскі, з 2005 г. – дэкан Я.М. Цішчанка). Загад МАЗ РБ № 606 ад 16 ліпеня 2007 года “Пра некаторыя пытанні дзейнасці ўстановы адукацыі “Гродзенскі дзяржаўны медыцынскі ўніверсітэт” рэгламентаваў пераўтварэнне факультэта медыцынскіх сясцёр з вышэйшай адукацыяй у медыка-дыягнастычны факультэт з ажыццяўленнем падрыхтоўкі кадраў па спецыяльнасцях “Сястрынская справа”, “Медыка-дыягнастычная справа”.  У 2008 годзе ўтвораны медыка-дыягнастычны факультэт (2008-2013 гг. – дэкан Я.М. Цішчанка, з 2013 г. - дэкан Я.С.Окалакулак). У 2010 годзе факультэт прайшоў акрэдытацыю.