Найбольш значныя дасягненні факультэта

З 21858 урачоў, падрыхтаваных у Гродзенскім дзяржаўным медыцынскім універсітэце (інстытуце) з 1964 па 2018 гг., больш за 77% складаюць выпускнікі лячэбнага факультэта. За гэты перыяд адбыліся 55 выпускаў факультэта, падрыхтаваны 16836 урачоў. З іх 10,06% (1693 чалавекі) атрымалі дыплом з адзнакай.

Лячэбны факультэт можа ганарыцца сваімі выпускнікамі, якія складаюць кіраўніцтва ўніверсітэта і кафедр (52 чалавекі), працавалі або працуюць на самых розных кіруючых пасадах арганізацыі аховы здароўя як у Рэспубліцы Беларусь, так і ў краінах бліжняга і дальняга замежжа.

Лячэбны факультэт установы адукацыі “Гродзенскі дзяржаўны медыцынскі ўніверсітэт” вылучаецца высокім узроўнем падрыхтоўкі спецыялістаў, вялікай актыўнасцю і высокім прафесіяналізмам у лячэбнай дзейнасці.