Напрамкі дзейнасці

Клінічны аддзел - самастойнае структурнае падраздзяленне ўстановы адукацыі «Гродзенскі дзяржаўны медыцынскі ўніверсітэт», ствараецца, рэарганізуецца і ліквідуецца загадам рэктара ўніверсітэта. Непасрэдную курацыю працы аддзела ажыццяўляе прарэктар па вучэбнай працы.

Асноўныя мэты клінічнага аддзела:

• удасканаленне тэарэтычных ведаў і практычных навыкаў выпускнікамі ўстановы адукацыі «Гродзенскі дзяржаўны медыцынскі ўніверсітэт» у аб'ёме, неабходным для выканання прафесійнай дзейнасці па абранай спецыяльнасці ў адпаведнасці з патрабаваннямі адукацыйнага стандарта пасляўніверсітэцкай прафесійнай адукацыі;
• паглыбленне прафесiйных ведаў, удасканаленне практычных навыкаў, асваенне перадавых медыцынскіх тэхналогій ўрачамi-спецыялiстамi ўстаноў аховы здароўя;
• каардынацыя і арганізацыйна-метадычнае забеспячэнне лячэбна-дыягнастычнай працы прафесарска-выкладчыцкага складу клінічных кафедр універсітэта:

а) на асноўных і дадатковых клінічных базах,

б) у паліклінічных установах аховы здароўя г. Гродна,

в) у арганізацыях аховы здароўя Гродзенскай і Брэсцкай абласцей (выязная арганізацыйна-метадычная і лячэбна-кансультатыўная дапамога ў планавым і экстраным парадку);

• каардынацыя дзеянняў прафесарска-выкладчыцкага складу клінічных кафедраў універсітэта з кіраваннем аховы здароўя Гродзенскай і Брэсцкай абласцей па аказанні высокакваліфікаванай дапамогі насельніцтву;
• укараненне навуковых дасягненняў у лячэбна-дыягнастычны працэс;
• стварэнне на клінічных кафедрах неабходных умоў для якаснага навучання студэнтаў;
• аказанне неабходнай лячэбна-кансультатыўнай дапамогі студэнтам.

Асноўныя задачы клінічнага аддзела:

1. правядзенне бягучай і выніковай атэстацыі ўрачоў-інтэрнаў па спецыяльнасцях інтэрнатуры;

2. падрыхтоўка кваліфікаваных урачэбных кадраў па спецыяльнасцях клінічнай ардынатуры;

3. арганізацыя прафесійнай падрыхтоўкі ўрачоў-спецыялістаў па праграмах клінічнай ардынатуры;

4. павышэнне кваліфікацыі практычных дактароў устаноў аховы здароўя, шляхам іх падрыхтоўкі ў клінічнай ардынатуры;

5. аказанне арганізацыйна-метадычнай дапамогі клінічным кафедрам універсітэта пры падрыхтоўцы новых праграм для клінічных ардынатараў і ўрачоў-інтэрнаў;

6. ажыццяўленне кантролю над падрыхтоўкай клінічных ардынатараў на кафедрах універсітэта і падрыхтоўкай урачоў-інтэрнаў на базах інтэрнатуры;

7. арганізацыя, планаванне прыёму і падрыхтоўкі выпускнікоў медыцынскіх ВНУ па праграмах інтэрнатуры і клінічнай ардынатуры ў рамках бюджэтнага і пазабюджэтнага фінансавання (на дагаворнай аснове);

8. арганізацыя працы камісіі па пераразмеркаванні выпускнікоў універсітэта.

У адпаведнасці з асноўнымі задачамі на клінічны аддзел ўскладаюцца наступныя функцыі:

1. арганізацыя інтэрнатуры выпускнікоў вышэйшых медыцынскіх устаноў адукацыі, якая дае ім права займацца медыцынскай дзейнасцю;

2. арганізацыя падрыхтоўкі клінічных ардынатараў па спецыяльнасцях згодна з устаноўленым пералікам;

3. арганізацыя вучэбна-метадычнага кіраўніцтва і сістэматычнага кантролю над выкананнем праграм паслядыпломнай адукацыі;

4. распрацоўка арганізацыйна-метадычнай і вучэбна-метадычнай дакументацыі па падрыхтоўцы ўрачоў-інтэрнаў і клінічных ардынатараў;

5. аналіз вынікаў падрыхтоўкі ў інтэрнатуры і ў клінічнай ардынатуры;

6. унясенне прапаноў па ўдасканаленні падрыхтоўкі ў інтэрнатуры і ў клінічнай ардынатуры;

7. арганізацыя ўліку выканання планаў і праграм па падрыхтоўцы клінічных ардынатараў;

8. афармленне кантрактаў на падрыхтоўку ў клінічнай ардынатуры на платнай аснове;

9. складанне справаздач і падвядзенне вынікаў падрыхтоўкі ў інтэрнатуры і ў клінічнай ардынатуры;

10. арганізацыя работы па пераразмеркаванні маладых спецыялістаў.