2-я кафедра ўнутраных хвароб з'яўляецца структурным падраздзяленнем медыка-псіхалагічнага факультэта. Кафедра размешчана на базе ГКБ №2, ГКБ №4, ГЦГП, БХМД. У структуру 14 навучальных пакояў уключаны лабаранцкая (кампутарны клас) і кабінет функцыянальнай дыягностыкі.

Для студэнтаў лячэбнага факультэта і факультэта замежных студэнтаў 4-га курса на кафедры выкладаюцца дысцыпліны “Унутраныя хваробы” і “Клінічная паталагічная фізіялогія”, для студэнтаў 6-га курса – “Унутраныя хваробы”, “Клінічная фармакалогія”, “Хуткая медыцынская дапамога” і курс па выбары.

На медыка-псіхалагічным факультэце праводзіцца выкладанне дысцыплін “Асновы агульнага догляду” і “Першая дапамога”для студэнтаў 1 курса, “Медыцынскі догляд і маніпуляцыйная тэхніка”для студэнтаў 2 курса, “Унутраныя хваробы і ваенна-палявая тэрапія” для студэнтаў 4 і 5 курсаў. На педыятрычным факультэце праводзіцца выкладанне дысцыплін “Унутраныя хваробы” для студэнтаў 4 і 5 курсаў і “Ваенна-палявая тэрапія” для студэнтаў 5 курса. На медыка-дыягнастычным факультэце праводзіцца выкладанне дысцыплін “Асновы агульнага догляду” і “Першая дапамога” для студэнтаў 1 курса “Медыцынскі догляд і маніпуляцыйная тэхніка” для студэнтаў 2 курса, “Унутраныя хваробы, ваенна-палявая тэрапія і паліклінічная тэрапія" для студэнтаў 4 і 5 курсаў.

Па ўсіх тэмах навучальных праграм складзены тэставыя пытанні, якія выкарыстоўваюцца ў працэсе кантролю ведаў і для курсавога экзамену. У рамках кожнага факультэта распрацаваны пытанні для кіраванай самастойнай працы студэнтаў (КСПС). З гэтай мэтай падрыхтаваны метадычныя рэкамендацыі і блок інфармацыі для студэнтаў, якія змяшчаюць пытанні для кантролю зыходнага ўзроўню ведаў, кантрольныя пытанні па засваенні тэмы, тэматыку КСПС.

Кафедрай апублікаваны навучальныя дапаможнікі, якія забяспечваюць аптымізацыю падрыхтоўкі па выкладаемых дысцыплінах.

Распрацаваны і размешчаны ў сістэме электроннага навучання (www.edu.grsmu.by) электронныя вучэбна-метадычныя комплексы па вывучаемых на кафедры дысцыплінах для ўсіх факультэтаў.

Па заканчэнні вывучання дысцыпліны праводзіцца экзамен у VIII семестры для студэнтаў лячэбнага факультэта і факультэта замежных студэнтаў, у IX семестры для студэнтаў педыятрычнага факультэта і медыка-дыягнастычнага факультэта, у X семестры – для студэнтаў медыка-псіхалагічнага факультэта.

Экзамен складаецца з пердэкзаменацыйнага тэставання, вуснага апытання і інтэрпрэтацыі ЭКГ або лабараторнага аналіза.