Сняжыцкі Віктар Аляксандравіч

Характарыстыка:

У 1984 г. з адзнакай скончыў Гродзенскі дзяржаўны медыцынскі інстытут.

З 1984 па 1986 гг. навучаўся ў клінічнай ардынатуры на кафедры шпітальнай тэрапіі ГрДМІ.

З 1986 па 1989 гг. – аспірант кафедры шпітальнай тэрапіі ГрДМІ.

З 1989 па 1995 гг. працаваў асістэнтам кафедры шпітальнай тэрапіі ГрДМІ.

З 1995 па 2001 гг. – загадчык кардыялагічнага аддзялення №3 УАЗ «Гродзенскі абласны клінічны кардыялагічны дыспансер».

З 2001 па 2006 гг. – галоўны ўрач УАЗ «Гродзенскі абласны клінічны кардыялагічны дыспансер».

З 2006 па 2010 гг. – прарэктар па навуковай рабоце УА «Гродзенскі дзяржаўны медыцынскі ўніверсітэт».

З 2010 па 2020 гг. – рэктар УА «Гродзенскі дзяржаўны медыцынскі ўніверсітэт».

З 2020 года і па цяперашні час – прафесар 1-й кафедры ўнутраных хвароб УА «ГрДМУ».

 

Дасягненні:

У 1990 г. абараніў кандыдацкую дысертацыю на тэму: «Характарыстыка лёгачнай і сістэмнай гемадынамікі пры выкарыстанні эфектыўных доз сустака і анапрыліна ў хворых ішэмічнай хваробай сэрца».

У 2004 г. абраны на пасаду дацэнта кафедры шпітальнай тэрапіі ГрДМУ.

У 2006 г. паспяхова абараніў доктарскую дысертацыю на тэму: «Дысфункцыя сінусавага вузла (брадыкардыі, брадыарытміі): электрафізіялагічныя механізмы патагенезу, класіфікацыя, клініка, дыферэнцыяльная дыягностыка».

У сакавіку 2008 г. прысвоена званне прафесара.

У 2014 г. абраны членам-карэспандэнтам Нацыянальнай акадэміі навук Рэспублікі Беларусь.

У 2020 г. узнагароджаны нагрудным знакам адрознення Федэрацыі прафсаюзаў Беларусі «Лепшы настаўнік».

У 2022 г. абраны замежным членам Расійскай акадэміі навук.

Галоўны рэдактар «Журнала Гродзенскага дзяржаўнага медыцынскага ўніверсітэта».

Старшыня Еўразійскай арытмалагічнай асацыяцыі.

Член Прэзідыума праўлення Беларускага рэспубліканскага навуковага таварыства кардыёлагаў і тэрапеўтаў.
Член Еўрапейскага таварыства кардыёлагаў (у тым ліку Еўрапейскага таварыства па прафілактыцы і рэабілітацыі захворванняў сэрца, Еўрапейскага таварыства па лячэнні хранічнай сардэчнай недастатковасці, Еўрапейскага таварыства па дыягностыцы і лячэнні парушэнняў рытму сэрца).

Аўтар больш як 600 навуковых прац, у тым ліку 19 манаграфій, 38 патэнтаў на вынаходствы і карысныя мадэлі, 12 навучальных дапаможнікаў, 19 інструкцый па ўжыванні.

Пад кіраўніцтвам В.А. Снежыцкага паспяхова абаронены 12 кандыдацкіх і 1 доктарская дысертацыя.

В.А. Снежыцкі – заснавальнік і кіраўнік навуковай школы Гродзенскага дзяржаўнага медыцынскага ўніверсітэта «Клінічная арытмалогія», дзе развіваюцца сучасныя навуковыя напрамкі, у тым ліку ў вобласці малекулярнай генетыкі ў кардыялогіі.

Навуковыя даследаванні пад кіраўніцтвам В.А. Снежыцкага прысвечаны праблемам лячэння артэрыяльнай гіпертэнзіі, ішэмічнай хваробы сэрца, недастатковасці кровазвароту і парушэнням рытму сэрца.

Вядучы арганізатар і каардынатар навуковых даследаванняў, быў навуковым кіраўніком 6 праектаў ГНТП, БРФФІ, міжнароднага дагавора з Рэспублікай Малдова «БРФФІ – АНМ-2015».

За высокія прафесійныя дасягненні ўзнагароджаны Ганаровай граматай Савета Міністраў Рэспублікі Беларусь, Ганаровымі граматамі Нацыянальнага сходу Рэспублікі Беларусь, Нацыянальнай акадэміі навук Беларусі, Міністэрства аховы здароўя Рэспублікі Беларусь, Гродзенскага абласнога выканаўчага камітэта, Гродзенскага абласнога Савета дэпутатаў. Узнагароджаны знакам «Выдатнік аховы здароўя Рэспублікі Беларусь», медалём Францыска Скарыны, медалём Федэрацыі прафсаюзаў Беларусі «100 гадоў прафсаюзнаму руху Беларусі», медалём Беларускай Праваслаўнай Царквы «Свяціцель Кірыл Тураўскі», ганаровай узнагародай Міжнароднага Чырвонага Крыжа «Гуманнае сэрца», юбілейнымі медалямі «100 гадоў Узброеным Сілам Рэспублікі Беларусь», «75 гадоў вызвалення Беларусі ад нямецка-фашысцкіх захопнікаў».

Лячэбная работа

Урач-кардыёлаг найвышэйшай кваліфікацыйнай катэгорыі.

Лячэбная дзейнасць выконваецца на базе аддзялення анестэзіялогіі і рэанімацыі №2, аддзялення інтэрвенцыйнай кардыялогіі УАЗ «Гродзенскі абласны клінічны кардыялагічны цэнтр».