Музей беларускай этнаграфіі

У Гродзенскім дзяржаўным медыцынскім універсітэце ўрачыста адчыніў свае дзверы Музей беларускай этнаграфіі.

Гэта адзіны музей падобнага тыпу ў медыцынскіх вну Беларусі.

Музей налічвае 283 экспанаты ад каменнага века да сярэдзіны мінулага стагоддзя. Прылады сялянскай працы, адзенне і абутак, посуд, школьныя падручнікі і грашовыя адзінкі – экспазіцыя музея дазваляе кожнаму наведвальніку дакрануцца да гісторыі беларускага народа, адчуць подых сівой даўніны.

Стваральнікам і кіраўніком музея з’яўляецца Варанец Віктар Іванавіч.

Музей запрашае ў госці ўсіх, хто цікавіцца беларускай гісторыяй.